تركتهم لناس وصلت على هون

بفضل ربي وجزل مداته

على شفاتي صمت والقلب مشطون

وأحيان يكتبني الحرف بسكاته

عظني الوقت والوقت مسنون

لا نام عني وغدرني بغفواته

ادور نور له الناس يمشون

زاد الظلام وزاد بالقلب عتماته

محتاج لروح بالارض مدفون

ودي بجيته وصعب جياته

الحرف بعدها بداخلي مسجون

مقيدٍ ما بين ضمه وهمزاته

بالغلا ما لقيت مثلها يسدون

تجار العواطف كلا يغني بليلاته

شهد لها جرح بالقلب مكنون

يوم جت لخفوقي و وناته

وشافت كذب الناس وشلون

غير الحق باطل وطفى اشاراته

بين اليقين وظن صرت مغبون

وقلبي مرتكي على سيل دعواته

شفني انا الصاحي شفني انا المجنون

وانا عاقلا زاد الوقت لوعاته

وانا الواصل وانا الفاصل كان تدرون

وانا اللي للقريًب يا كثر فزعاته

وانا الصادق عند اللي يعرفون

اللي ما رددوا الناس كذباته

وانا الكريم اللي به الناس يوحون

ما تصنعت طيب ولا جتني فلاشاته

بعض السوالف عنها تكرمون

مثل حطاب ليل شال حسراته

تركتهم لناس وصلت على هون

بفضل ربي وجزل مداته

وأقفيت مقفيٍ ما هوب مأمون

بين ال إيه وال لا صعب رجعاته

وان حل الجفاف وطاحت اغصون

وسال دمٍ على الأرض طبعاته

وسمعت الغالين عقبي يصيحون

تراي اخذت حقي وجبت مرضاته

واللي صدقوا عساهم ما يردون

كم واحد وقفت باقي حساباته

اللي دليلهم دايم وكالة يقولون

مروج كذبه وناشر اشاعاته

واللي يستقبله  ضاحك وممنون

فرقاه وفرقا اليوم جياته

لنا الله ثم اللي عنا ما يصدون

ولا سألت عن كل هافي وقهواته

والجمل لا طاح تكثر به اطعون

واكيد تكثر مع الناس طعناته

:::

::

:

.